Zoeë is ut het allemaol begosj...
KV de Gaaplepels is ein vereiniging oet het noorden van Limburg.
Wae zeen aafkomstig oet Biësel ein klein dörpke oet de gemeindje kinrooi, zoe ein 8 km van maaseik, vlak tege de nederlandse grens.
We zeen veurzichtig begonnen op 11 november 1984. Met eine road van 11 en effe later eine groeëte prins.
We zeen inmiddels oetgegruudj tot ein vereiniging met 80 leeje in kostuum gaondje van:
- De road
- Groeëte Prins en Prinses
- Jeugdprins en Jeugdprinses
- Senioreprins en Senioreprinses
- Dames comitee,
- Rakkers (ex-seniorenprinsen),
- en mer leefst tieëntalle Dansmariekes!
De naam de Gaaplepels is gevônje door de volgendje anekdote:
Jaore geleeje toen d'r nog mer eine weeg leep, midden door ôs dörpke, kwoom d'r hieël aaf en toe waal ins eine vreemde euver dae weeg. Oet noewsjierigheid zoote de minse thoeës achter de raam te gaape en dao keumtj de naam Gaaplepels vanaaf.
Eeder jaor organiseere wae ein groeëte, jeugd en senioore zitting, ein prinsenbal en de stoet op Vastelaovinds maondig.
De datums en insjrievingsformulieren en foto's kintj gae vinje hiej op de site.
Wae winse uch veul plezeer met het bekieke van deze site.
De Gaaplepels.
Wie het allemaol begos 3 x 11 jaar Cv. De Gaaplepels.
Het is door eine gelukkige samenloup van zaken det de carnavalsvereiniging het lèvensleecht zaag. Vanaaf 1982 zoten Jimmy, Bèr Maessen, Tonny Verlaak en Rudy Optroot aan den toog bij Café: Jimmy (noe Café Molendorp) te fantaseren euver de vastenaovend in Bièsel. Mer het bleef mer bie veul zeivere en fantasere, want der waas ter geine eine van de veer dè ter get in zaag om te beginne en zoe ginge ter weer 2 carnavalsseizoenen veurbie zonger der ter get gebeurde in Bièsel. In Bièsel gebeurdje ter met vastenoavendjt niks mier.
Noe wol het waal lukke det op det moment ein noeuw vereiniging in Bièsel aan het opstarten waas. Op 5 december 1983 zaag : V.Z.W. molenzorg en Molen museum het lèvensleecht. De veuzitter van dees vereiniging waas Louis Verlaak en de penningmeister waas Bèr Maessen. De man dè hiel veul heet bie gedragen aan de start van dees vereiniging waas den toenmalige rijkswacht commandant: Werner Smet. Hè waas tevens de veurzitter van de V.V.V. infodienst die hiel veul werk hubbe gestoke in de opstart van de Meulefieste woe Bèr Maessen vanaaf het 2 de jaor veurzitter woor. De VVV infodienst waas eine gemeintelijke deenst en haai toen eine bedeendje in deenst en det waas Lilianne Kunnen.
Bèr deeg bie Werner Smet een aanvraog of het neet meugelijk waas om auch bie het opstarten van de carnavalsvereiniging de hulp te kriegen van Lilianne. Dit woor hum toegezacht en de zaak waas aan het rollen.
Het waas vanaaf 5 juni 1984 det alles begos te laupe wie eine trein. Vanaaf toen hubbe ter alle 14 daag vergaderinge plaats gevonje tot paose 1985. Het is neet te euversjatte wat Lilianne aan breven, verslagen en telefoons gedaon heet veur de carnavalsvereiniging. Alles is bewaardjt gebleve. Zie belag vergaderingen mèt de naburige carnavalsverenigingen. Alle Bièselse vereinigingen zeen oetgeneudigd veur euverleg. Alle bestoandje carnavals groepen woren oetgenudigd veur te zèttelen in de road van èlf. Mier as 500 minsen zeen gevroagd om te zètelen in de road van 11. Lilianne zelf wol neet zètele.
Op de durdje zondag oavendjt van 1985 stèldje de road van 11 zich veur op de bonte aovendjt van toneelgroep Comedia, in volledige noeuw kleijer. 14 daag later waas heur zitting mèt den ièrste Prins.
Door Bèr Maessen
Alaaf, Vorst TOM.
